Նիք Ուալանդան դարձավ Նիագարայի ջրվեժը ճոպանի վրա անցնող առաջին մարդն աշխարհում։
«Թռչող Ուալանդաներ» անվանումը ստացած ընտանիքի անդամ Նիքն ԱՄՆ-ի սահմանից ջրվեժի վրայով անցավ դեպի Կանադա, երբ հազարավոր ներկաներ ծափահարում էին նրա խիզախության ու հաջողության համար։
33 ամյա Նիքը մառախլապատ ու քամոտ եղանակային պայմաններում 55Օ մետրն անցավ 25 րոպեում։
Նա իր վրա կրում էր անվտանգության համար նախատեսված կեռիկով մի ամրագոտի, սակայն դրա կիրառման կարիքը ջրվեժից 6Օ մետր բարձրությամբ անցման ժամանակ այդպես էլ չեղավ։
Հաջողությամբ կատարելով իր երազանքը՝ Նիքն ասաց, թե ամբողջ անցման ընթացքում մտածում էր իր ընտանիքի մասին, սակայն ավելացրեց, որ ունի ԱՄՆ-ի Արիզոնա նահանգում գտնվող ավելի լայն տարածք զբաղեցնող Մեծ Կանյոնն անցնելու ծրագրեր։
Արամ Վանեցյան
«Ամերիկայի Ձայն»
