Նորից անդրադարձ տաքսի սերվիսների անուններին: Որքան ժամանակ է անցնում, այնքան ավելի «յուրահատուկ» անուններ են ստանում մեր տաքսի ծառայությունները. զարմացնում են ու զարմացնում… Սերվիսի անունից արդեն կարելի է ենթադրել, թե տերը ինչ է սիրում, որն է եղել ամենասիրելի մուլտֆիլմը, գույնը, ինչպես նաև` հեշտությամբ իմանում ենք սերվիսի տիրոջ գրագիտության ու հումորի ատիճանը: «Դե սպասիր»-ից «Maша и медведь»-ից «Վինի Թուխ»-ից մինչև «Ապարան», «Ջավախք», «Այնթափ»…
Մենք ունենք նաև ռոմանտիկ տաքսի ծառայությունների տերեր, ովքեր իրենց սերվիսն անվանել են՝ «Սեր», «Ջրահարս»… 🙂 Ինչպես հագուստի, կոշիկի ընտրության դեպքում, այնպես էլ տաքսի սերվիսի պարագայում «գլամուռ մասսան» հավանաբար կընտրի տաքսի սերվիս «Louis Vuitton»: Որ երկար փնտրենք հաստատ կգտնենք նաև «Gucci», «Dolce and Gabbana»… և այլ տաքսիներ ըստ բրենդային նախասիրության: Մեր տաքսի սերվիսների տերերը անտարբեր չեն նաև հագուստի չափսերի նկատմամբ՝ «XL», «XXL»… Չշարունակեմ թվել, թե չէ կարող է ծիծաղից թուլանաք 🙂 Երբեմն տաքսի սերվիսի անունը կարդալով մոռանում ես ու՞ր ես գնում, որտեղի՞ց ես եկել 🙂
Տիգրանուհի Թասլակյան
