Այսօր ժամը 20-ին նախատեսված էր Հանրապետական կուսակցության գերագույն մարմնի եւ խորհրդի նիստը, որի ժամանակ պետք է հստակեցվեին ԲՀԿ-ի` կոալիցիայից հրաժարվելուց հետո թափուր մնացած նախարարական աթոռները այսուհետ զբաղեցնողների անունները:
Ինչպես քիչ առաջ հայտնի դարձավ` նիստը սկսվելու է 19.30, իսկ մինչ այդ, այս պահին ՀՀԿ գրասենյակի մոտ հավաքված են Հանրապետության նրբանցքի եւ Ֆիրդուսի 33 հասցեի բնակիչները: Բանն այն է, որ չորս տարի առաջ այդ մարդկանց տները իբրեւ գերակա շահ են ճանաչվել կառավարության կողմից եւ քանդվել են: Նրանց պայմանագրերում նշված է եղել, որ երկու տարի հետո նրանց նոր բնակարաններ պետք է տրամադրեն նոր կառուցվող շենքերում, սակայն մինչեւ օրս այդ մարդիկ իրենց բնակարանները չեն ստացել եւ տարբեր տեղերում բնակվում են վարձով:
Նրանք այստեղ հավաքվել են հույսվ, որ կկարողանան նախագահին փոխանցել իրենց բողոքը: Նրանց մոտեցած ոստիկաններից մեկը խնդրեց, որպեսզի բողոքը գրավոր շարադրեն եւ ներկայացնեն: Ցուցարարները կարծես թե համաձայնեցին, սակայն չեն ցրվում, այլ դեռեւս իրենց մտահոգություններն են տարբեր լրատվամիջոցներին հայտնում:
Քիչ առաջ նրանց մոտեցավ նաեւ Երեւանի քաղաքապետ Տարոն Մարգարյանը, լսեց բողոքները եւ առաջարկեց հիմա գնալ քաղաքապետարանի մոտ, իսկ ինքը կմիանա նրանց` նիստը ավարտվելուն պես:
Կարդացեք նաև
Նելլի ԳՐԻԳՈՐՅԱՆ
