Հունիսի 12-ին կայացած Տավուշի մարզխորհրդի նիստում, ի թիվս հանրակրթական այլ հարցերի, արծարծվեց դպրոցներից նպատակային գործուղումների խնդիրը: Մարզպետարանի կրթության, մշակույթի եւ սպորտի վարչության պետ Աշոտ Փաշինյանն ասաց, որ վերջին տարիներին դպրոցներից նպատակային գործուղումները վերացել են: Նրա վկայությամբ, 2004թվականին Տավուշի դպրոցներից բուհեր գործուղված շրջանավարտներից միայն մեկն է մարզ վերադարձել,Վարագավանի դպրոցում աշխատանքի անցել: Կրթության վարչության պետն ասաց, որ շրջանավարտները տարբեր պատճառներով հայրենի դպրոց չեն վերադարձել, սակայն վերադառնալու դեպքում չէին կարող աշխատանքի անցնել, որովհետեւ դպրոցներում տվյալ մասնագետի կարիք չի եղել: Դպրոցների տնօրենները կեղծ տեղեկանք են տվել, համայնքապետերը դրանց տակ ստորագրել են, մարզպետարանն էլ հաստատել է ցանկը :
-Ո՞վ է մեղավոր,- Աշոտ Փաշինյանին հարցրեց մարզպետ Արմեն Ղուլարյանը:
-Մեղավոր են դպրոցների տնօրենները, համայնքապետերը եւ մենք:
-Մենք ո՞վ` ե՞ս, թե դու՞,-վարչության պետին հարցրեց մարզպետը: Նա դպրոցներին տնօրեններին հորդորեց կեղծ լավություններ չանել:
Կարդացեք նաև
Ոսկան ՍԱՐԳՍՅԱՆ
