«Սիվիլիթաս» հիմնադրամի տնօրեն Սալբի Ղազարյանը այսօր Ազգային անվտանգության ծառայության (ԱԱԾ) կողմից հարցաքննության էր հրավիրվել, բայց հարցերին պատասխանելուց հրաժարվել է : Այս մասին Aravot.am-ին ասաց Ս. Ղազարյանը. «ԱԱԾ-ի հայտարարության մեջ հստակորեն ասում են որ «Սիվիլիթաս» հիմնադրամը խախտել է ու վերցրել մի շարք խախտումներ՝ հաշվետվության ներկայացում եւ այլն , որ արդեն ես ոնց որ վկա չեմ, այլ թերեւս կասկածյալ եմ, եւ ուրեմն՝ ըստ միջազգային իրավունքի, ես ստիպված չեմ իբր վկա հանդիսանալ: Եվ հարցումներին չպատասխանեցի»:
Երեկ 8 դեսպանների հետ հանդիպումն էլ, տիկին Ղազարյանի խոսքով, ամենեւին էլ իրենց անհանգստության մասին չի խոսում, չնայած որ իրենք էին նախաձեռնել դեսպանների հետ հանդիպումը. «Մեզ թվում է, որ սա շատ լուրջ քայլ է, որին իշխանությունները դիմել են, եւ կարեւոր է, որ կարողանանք բացատրել սրա ենթատեքստը դեսպաններին: Պատկերացրինք, որ մեր պարտականությունն է նրանց տեղյակ պահել, եւ այն որ իրենք այդ քանակով ու մակարդակով եկան, նշանակում է, որ իրենք էլ շահագրգռված, հետաքրքրված էին, թե արդյոք այսպիսի խայտառակ բան ոնց կարող է կատարվել»:
Կարդացեք նաև
Արփինե ՍԻՄՈՆՅԱՆ
