Թիվ 7 ընտրատարածքում մեծամասնական ընտրական կարգով ԱԺ պատգամավորության թեկնածու առաջադրված Նիկոլ Փաշինյանին ընտրությունների արդյունքները վիճարկելու գործով Սահմանադրական դատարանը աշխատակարգային որոշում կայացրեց՝ կասեցնելով գործի քննությունը: Գործի քննությունը կվերսկսի՝ պահանջվող նյութերը ստանալուց հետո:
Աշխատակարգային որոշմամբ ՍԴ-ն պահանջեց գլխավոր դատախազությունից՝ տեղեկություններ տրամադրել դիմումում հիշատակված մարմինների վերաբերյալ՝ իրավասու մարմինների կողմից ձեռնարկված համապատասխան միջոցների եւ դրանց արդյունքների մասին:
Վարչական դատարանից պահանջվեց մայիսի 6-ի ՀՀ ԱԺ ընտրությունների հետ կապված հայցադիմումներով կայացված դատական ակտերը:
ԿԸՀ-ից պահանջվեց գրավոր ներկայացնել Նիկոլ Փաշինյանի՝ հունիսի 12-ին ՍԴ մուտքագրված նկատառումների վերաբերյալ բացատրությունները:
Կարդացեք նաև
Ըստ ՍԴ նախագահ Գագիկ Հարությունյանի, պահանջված նյութերը ստանալուց հետո այն կտրամադրվի կողմերին, ըստ օրենքի՝ եռօրյա ժամկետում կողմերը կներկայացնեն իրենց բացատրությունները, որից հետո կնշանակվի նիստը:
Ռուզան ՄԻՆԱՍՅԱՆ
