Սահմանադրական դատարանը մտել է խորհրդակցական սենյակ՝ որոշում կայացնելու: Այսօր գրավոր ընթացակարգով պետք է քննվեր մայիսի 6-ի ԱԺ մեծամասնական ընտրակարգով ընտրության արդյունքներով՝ Նիկոլ Փաշինյանի թիվ 7 ԸԸՀ-ի մայիսի 11-ի 37-Ա որոշման հետ կապված դիմումը: Զեկուցողն էր ՍԴ անդամ Մանուկ Թոփուզյանը: ՍԴ նախագահ Գագիկ Հարությունյանը տեղեկացրեց, որ զեկուցողը առաջարկել է գործի վարույթի կասեցնել՝ համաձայն ՍԴ մասին օրենքի 56 հոդվածի: Գ. Հարությունյանն ասաց, որ դա դատավարական ընթացքի կասեցում է նշանակում, իսկ հիմք է հանդիսացել այն, որ դիմումատուն հայտնել է, թե ԿԸՀ-ն է իր գործողություններով զրկել իրեն վարչական դատարան դիմելու իրավունքից: Իսկ դատարանում պատասխանող է ճանաչված ԸԸՀ-ն:
Նիկոլ Փաշինյանի մեկ այլ մեկնաբանությամբ, թեկնածուների գրանցումները վերապահված են եղել գրանցման մարմիններին: ՍԴ-ն գտնում էր, որ պետք է այս հանգամանքները ուսումնասիրվեն, որպեսզի կասեցման որոշմամբ պետական մարմիններից պահանջվեն պատասխանները:
Ռուզան ՄԻՆԱՍՅԱՆ
