Կառավարության շենքի մոտ հավաքված՝ Արամի, Բուզանդի, Լալայան փողոցների անտուն մնացած բնակիչներն այսօր քննարկում էին վերջին իրադարձությունները՝ կապված ԲՀԿ պատգամավոր Վարդան Օսկանյանի հետ:
Նրանց կարծիքով՝ իշխանություններն ամեն ինչ անում են, որպեսզի մինչեւ նախագահի ընտրությունները Հայաստանում մնա միայն մեկ թեկնածու՝ Սերժ Սարգսյանը:
Իսկ իրենց խաբված համարող բնակիչները համոզվել են. իրենց խնդիրները բացի Սերժ Սարգսյանից բոլորը կարող են լուծել:
«Ով ուզում է լինի, թեկուզ Կարապետիչը լինի, մենակ սրանք գնան ստեղից: Էդքան շինարարությունը արեցին, մեռան փող լվանալով, իրենք թող իրենց փող լվանալը բռնեն, ոչ թե Օսկանյանին բռնեն: Օսկանյանը երևի նախագահացու պիտի լինի, դրա համար ուզում են տեղից հանեն, որ ինքը՝ Սարգսյանը նորից կեղծի, ինչ ուզենա անի»,-ասաց Բուզանդի 9 շենքի նախկին բնակիչ Քնարիկ Առաքելյանը։
Կարդացեք նաև
Մանրամասն՝ կարդացեք այստեղ
