Հունիսի 25-ից 27-ը պաշտպանության նախարարությունը, 2012 թվականի Հավաքական անվտանգության պայմանագրի եւ ԶՈՒ պատրաստության պլանի համաձայն, ագրեսիային դիմագրավելու ու հավաքական ուժերի արագ արձագանքման թեմայով միջոցառումներ կանցկացնի: Այդ օրերին նախատեսված են նաեւ զորավարժություններ: Այսօր այս մասին կառավարության նիստից հետո տեղեկացրեց պաշտպանության նախարարի պաշտոնակատար Սեյրան Օհանյանը. «Անցկացվելու է Հայաստանի Հանրապետության բերումը բարձր մարտական պատրաստականության, եւ իրադրության գնահատումից հետո դրա ֆոնի ներքո նախապատրաստելու ենք համապատասխան հրամանագրեր՝ ռազմական դրության բերման, զորահավաքի անցկացման , ագրեսիայի դիմագրավման , ինչպես նաեւ Հայաստանի Հանրապետության նախագահի դիմումը ՀԱՊԿ-ի ղեկավարությանը՝ մեզ աջակցելու ուղղությամբ, որ նախապատրաստվեն եւ 25-ից 27 –ը, պատշաճ կերպով մասնակցեն այդ փուլին»:
Արփինե ՍԻՄՈՆՅԱՆ
