«Հավանաբար խորհրդային շրջանից է եկել, մի քիչ էլ ազգային առանձնահատկության հետ է կապված, այն, որ այսօր բուհ ընդունվելը մի շարք նպատակներ է հետապնդում, բանակից խուսափել, օժիտի դիպլոմ եւ այլն: Այսօր համատարած բուհի ընդունելություն է կատարվում, ինչը սթրեսային իրավիճակ է ստեղծում ոչ միայն դիմորդների, այլեւ ծնողների ու հարազատների մոտ»,-լրագրողների հետ հանդիպման ընթացքում խոսելով քննական շրջանում առաջացած սթրեսներից, ասաց թիվ 2 բուժմիավորման կլինիկական հոգեբան Միհրդատ Մադաթյանը, նշելով, որ քննությունն ինքնին տագնապային իրավիճակ է ակնկալում: Ըստ Մադաթյանի՝ « եթե նկատենք՝ քննությունների շրջանում հանրապետությունում մնացած գործընթացները սկսում են մահանալ: Նույնիսկ առեւտուրն է պակասում, որովհետեւ ազգովի ընդունելության ենք պատրաստվում»:
Մադաթյանի խոսքերով՝ «օժիտի թուղթ» ասվածը շարունակում է ուժի մեջ մնալ, եւ բոլորի համար, օրինակ՝ բժիշկ հարս կամ Բրյուսով ավարտած անգլերենի մասնագետ հարս ունենալը մոդայիկ է, չհաշված այն, որ հաճախ բարձրագույն ավարտածների մեծամասնությունը չի էլ աշխատում իր մասնագիտությամբ, սակայն կարեւորը՝ «սկեսուրը կասի, որ հարսը բժիշկ է»:
Անդրադառնալով բանակ գնացող դիմորդների խնդրին՝ Մադաթյանը նշեց. «Այսօր բանակից օբյեկտիվ ազատվածների թիվը բավականին մեծ է, որովհետեւ այդ երեխաները ծնվել են վատ տարիներին: Ինչ վերաբերվում է հոգեբանական վիճակին, որ դպրոցն ավարտելուց հետո անմիջապես երեխաներին տանում են բանակ, ապա՝ ես լուրջ տարբերություն չեմ տեսնում դպրոցն ավարտելուց հետո բանակ գնացածի եւ մյուսների միջեւ՝ հակառակը, հաճախ բանակն իր դաստիարակությունն է տալիս, հետագայում մասնագիտության առումով կողմնորոշվելու հարցում»:
Կարդացեք նաև
Եվա ՀԱԿՈԲՅԱՆ
