«Ժառանգության» մամուլի խոսնակ Հովսեփ Խուրշուդյանից «7օր»–ը հետաքրքրվել է՝ այդ կուսակցությունն ի՞նչ տեսակետ ունի «Բարգավաճ Հայաստան» խմբակցության պատգամավոր, ՀՀ նախկին արտգործնախարար Վարդան Օսկանյանինփողերի լվացման համար կասկածելու մասին։
–Տարօրինակ է, որ այդ ուսումնասիրությունը համընկավ Վարդան Օսկանյանի ակտիվ քաղաքական գործունեության հետ, հատկապես խորհրդարան նրա մտնելու հետ։ Եթե հանկարծ պարզվի, որ դա քաղաքական ենթատեքստ ունի, ինչը շատ հնարավոր է, կարծում եմ, որ դա անընդունելի մոտեցում է։ Եվ ընդհանրապես՝ այդ գործելաոճը, մենք կարծում ենք, առաջին անգամը չէ, որ տեղի է ունենում քաղաքական ընդդիմախոսների հանդեպ,–ասել է «Ժառանգության» մամուլի խոսնակը՝ չբացառելով, որ Վարդան Օսկանյանի նկատմամբ քաղաքական հետապնդում է իրականացվում։
ՀՀ նախկին արտգործնախարար, «Ժառանգություն» խմբակցության պատգամավոր, «Ազատ դեմոկրատներ» կուսակցության անդամ Ալեքսանդր Արզումանյանն էլ «7օր»–ի հետ զրույցում չի ցանկացել մանրամասն պատասխանել հարցին՝ նշելով, որ վաղը ծավալուն հարցազրույց է հրապարակվելու, և բոլոր հարցերի պատասխանները կլինեն։ Նա սահմանափակվել է միայն ասելով հետևյալը.
–Ես գործի հանգամանքներին ծանոթ չեմ, ընթացքում կերևա, բայց ակնհայտ է, որ քաղաքական ենթատեքստ, քաղաքական դրդապատճառ կա այս ամեն ինչում։ Իմ նկատմամբ էլ մինչև այսօր քրեական գործ կա փողերի լվացման հոդվածով, այնպես որ, ես շատ լավ պատկերացնում եմ այդ բաները։
Կարդացեք նաև
7or.am
