Հայաստանի Հանրապետությունում նվազագույն աշխատավարձը 32500 դրամ է, իսկ ուսման վարձավճարները բուհերում 20 եւ ավելի անգամ բարձր:
Էլ չենք խոսում նրա մասին, որ, դիցուք, ԵՊՀ իրավաբանական ֆակուլտետում ուսման վարձը 700000 է, միջազգային հարաբերություններում՝ 500000:
Aravot.am-ը ԿԳ նախարար Արմեն Աշոտյանին հարցրեց՝ ինչքանո՞վ են համադրելի խղճուկ աշխատավարձերն ու բարձր վարճավճարները, իսկ ֆակուլտետներ կան, որտեղ սովորելը միայն վճարովի հիմունքներով է: Եվ ի՞նչ է մտածում կառավարությունն այս առնչությամբ:
Կարդացեք նաև
«Շատ երկար պատասխան պահանջող հարցադրում է, բայց ես կարճ համաձայնեմ, որ մենք ունենք կրթության մատչելիության խնդիր՝ սոցիալական պատճառներից ելնելով: Սա է նաեւ այն մեզ դրդող հանգամանքը՝ մասնավոր հատվածից ներդրումներ, կրթաթոշակներ բերելու, կառավարությունը նույնպես միջոցներ է հատկացնում Երիտասարդական հիմնադրամի միջոցով»,-ասաց նախարարը:
Նա տեղեկացրեց, որ սոցիալապես անապահով երեխաների համար վարչապետի կողմից բարձրաձայնված 2 ծրագիր արդեն կյանքի է կոչվում. «Բոլոր միջոցառումները ուղղված են լինելու հավասար մուտք ապահովելուն՝ բոլոր դիմորդների համար անկախ իրենց սոցիալական ծագումնաբանությունից»:
Գոհար ՀԱԿՈԲՅԱՆ
