ՖՈՏՈԼՈՒՐ
ՀՀ սահմանադրական դատարանը ուժի մեջ թողեց ԱԺ մայիսի 6-ի մեծամասնական ընտրակարգով թիվ 9 ընտրատարածքային ընտրական հանձնաժողովի մայիսի 11-ի թիվ 16-Ա որոշումը: Այն վիճարկում էր պատգամավորության թեկնածու, ՀԱԿ ներկայացուցիչ, մեծամասնական ընտրակարգով պատգամավորության թեկնածու առաջադրված Լեւոն Զուրաբյանը:
Թիվ 9 ընտրատարածքային հանձնաժողովում մեծամասնական ընտրակարգով գրանցվել էր 4 պատգամավորության թեկնածու:Ընտրողների ընդհանուր թիվը եղել է 55 742 , իսկ ընտրություններին մասնակցել է 31 902 ընտրող: Ընտրատարածքը ներառել է 34 ընտրական տեղամաս:
Թեկնածուների ձայները բաշխվել էին. Ազիզյան՝ 8933, Զուրաբյան՝ 4290, Հակոբյան՝ 4213, Սադոյան՝ 12 522:
Անճշտությունների թիվը 16 էր:
Կարդացեք նաև
Լ. Զուրաբյանը պահանջել էր, որպեսզի անվավեր ճանաչվեր տվյալ ընտրատարածքի ընտրությունների արդյունքները, քանի որ, ըստ դիմումատուի., բոլոր ընտրատարածքներում խախտվել էր ընտրական օրենսգրքի 66 հոդվածի 5-րդ մասի պահանջը՝ դրոշմակնքում չիրականացելու արդյունքում չի գործել կրկնակի քվեարկության հնարավոր դեպքերին ուղղված իրավախախտումները:Դիմումատուն նշել էր, որ խախտվել է հավասար մրցակցության հնարավորությունը, ընտրություններին մասնակցելու իր սահմանադրական իրավունքը:«Այս պնդումը դիմումատուն փաստարկում է ՀՀԿ նախագահ Սերժ Սարգսյանի կողմից ՀՀ նախագահի իրավասությունների հետ համատեղ նախընտրական, ինչպես նաեւ ՀՀ այլ պետական պաշտոնյաների կողմից քարոզչությանը մասնակցելով:
ՍԴ որոշման հրապարակման ժամանակ էլ դիմումատու Լ. Զուրաբյանը չներկայացավ նիստերի դահլիճ, իսկ դա կարեւոր էր, քանի որ դատարանը ինչ-որ տեղ կոշտ դիրքորոշում արտահայտեց նրա դիմումի վերաբերյալ: Մասնավորապես, Սահմանադրական դատարանը արձանագրել էր պատասխանողի բացատրությունները.«Դիմումում բերված հիմնավորումները եւ պատճառաբանությունները կրկնում են այս տարվա մայիսի 6-ի ՀՀ ԱԺ համամասնական ընտրակարգով ընտրությունների արդյունքներով ՀՀ Կենտրոնական ընտրական հանձնաժողովի մայիսի 13-ի թիվ 265-Ա որոշումը վիճարկելու վերաբերյալ ՍԴ-ում քննության առնված դիմումի տասնյակ կետերը: Փոխվել է միայն դրանց շարադրման հաջորդականությունը»:
Սահմանադրական դատարանը արձանագրեց նաեւ.«Քարոզչության կողմից Ընտրական օրենսգրքի սահմանափակման մասին դիմողի կողմից որեւէ դիմում դատարաններ ու ընտրական հանձնաժողովներ չեն ներկայացվել»:
Պատասխանողը «ենթադրյալ էր» համարել դիմումի փաստարկները:
Սահմանադրական դատարանը արձանագրեց, որ դիմողը ներկայացրել է նույն փաստարկները, կրկնել այն նույն միջնորդությունները, որոնք ներկայացրել էր ՀԱԿ կուսակցությունների դաշինքը ՍԴ դիմելիս:
Դատարանը,«հաշվի առնելով վերոհիշյալ դիմումի եւ մեծամասնականի նույնականությունը», գտավ նաեւ, որ իրավական բոլոր դիրքորոշումները եւ գնահատականները հավասարապես վերաբերելի են նաեւ քննության առարկա սույն գործին:
Ռուզան ՄԻՆԱՍՅԱՆ
