Բնապահպան ակտիվիստ Ռուզան Գրիգորյանը Աբովյան փողոցում մի քանի օր առաջ հայտնված նախկին քաղաքապետի եղբոր սրճարանը Երեւանում տեղի ունեցող անհեթեթությունների շարքի շարունակությունն է համարում: «Այս դեպքում ես նաեւ կուզենայի, որ այդ տարածքում ապրող բակիչները հենց իրենք էլ ոտքի կանգնեին ու շարունակեին պայքարել, որովհետեւ չեմ պատկերացնում, քաղաքում ամեն ակնթարթ ապօրինի շինությունների, հանրային տարածքների խնդիրը կա: Ու 30-40 ակտիվիստով չես հասցնի ամբողջ քաղաքի հարցերը լուծել: Լուծումը պատկերացնում եմ, որ ամեն թաղի, տարածքի բնակիչ վերցնի այդ պատասխանատվությունը: Մենք էլ կարող ենք մեր փորձը , կիրառած տեխնոլոգիաները փոխանակենք, բայց հենց երեւանցին պետք է ամեն բակում, ամեն մի թիզ հողի, ծառի համար ոտքի կանգնի» ,- Aravot.am-ին ասաց Ռ. Գրիգորյանը:
Նա ասաց նաեւ, որ Աբովյան փողոցում հայտնված սրճարանի հարցը առաջիկայում կքննարկեն «Մեր քաղաքը» նախաձեռնության անդամներով ու համապատասխան հայտարարություն կանեն:
Արփինե ՍԻՄՈՆՅԱՆ
