«Փաստացիորեն , Թուրիքան շատ անհանգստացած է Ադրբեջանի կողմից ձեռնարկված հարձակումների առումով: Թուրքիան ուղերձ է հղել Ադրբեջանին, որ դա վտանգավոր սխալ է, որն իրականացրել են»,- վերջին օրերին հայկական կողմին ուղղված ադրբեջանական դիվերսիոն հարձակումներին անդրադառնալով՝ այսօր «Հենարան» ակումբում ասաց քաղաքագետ Ռիչարդ Կիրակոսյանը:
Նա վստահեցրեց, որ Թուրքիան չի ցանկանում Ադրբեջանի կողմից նախաձեռնված պատերազմ. «Թուրքիան մտահոգված է, որովհետեւ Ադրբեջանի գործողությունները սահմանափակում են իր կողմից ձեռնարկված գործողությունները տարածաշրջանում: Եվ սա փաստում է այն, որ թուրք-ադրբեջանական հարաբերությունները առաջվա պես մոտ չեն, դա նաեւ հաստատում է տարածաշրջանում նոր իրողությունը, նույնիսկ Թուրքիան է Ադրբեջանին տարածաշրջանում միակ սպառնալիքը տեսնում »: Պարոն Կիրակոսյանի խոսքերով, այդ կարծիքին է ոչ միայն Անկարան, այլեւ պաշտոնական Վաշինգտոնը, Մոսկվան ու Բրյուսելը:
Ինչ վերաբերում է հայ-թուրքական դիվանագիտական հարաբերություններին, քաղաքագետն ասաց, որ հարաբերությունները ոչ պաշտոնապես, բայց գոյություն ունեն:
Հունիսի 26-ին կայանալիք Սեւծովյան տնտեսական համագործակցության 20- ամյակին նվիրված միջոցառմանը ՀՀ արտգործնախարար Էդվարդ Նալբանդյանի հրավիրված լինելու հանգամանքն էլ հաշվի առնելով՝ քաղաքագետը վերլուծեց, որ այդ միջոցառմանը նախարարը մասնակցել է նաւ 2008-ին: Իսկ Թուրքիայի արտգործնախարարն էլ կրկին Սեւծովյան տնտեսական համագործակցության շրջանակներում Հայաստան էր այցելել 2009-ին.« Դա նշանակում է, որ Սեւծովյան տնտեսական համագործակցությունը այն հարթակներից մեկն է, որտեղ հայ-թուրքական պատվիրակությունները հանդիպում են միմյանց: Փաստացի հայ-թուրքական դիվանագիտական հարաբերությունները գոյություն ունեն , որը լրացուցիչ ճնշում է Թուրքիայի վրա՝ ոչ պաշտոնական դիվանագիտական հարաբերությունները դարձնել պաշտոնական:
Կարդացեք նաև
Արփինե ՍԻՄՈՆՅԱՆ
