Աբովյան փողոցում՝ ճիշտ ապամոնտաժված կրպակների տեղում, երեկվանից նոր սրճարան է հայտնվել: Այն պատկանում է Երեւանի նախկին քաղաքապետ, ներկայումս ՀՀԿ խմբակցության պատգամավոր Գագիկ Բեգլարյանի եղբորը՝ Յուրա Բեգլարյանին: Aravot.am-ն այսօր այցելեց սրճարան եւ զրուցեց սրճարանի տնօրենի հետ (այդպես նրան ներկայացրին աշխատակիցները) : Վերջինս, սակայն, չցանկացավ ներկայանալ, նաեւ հրաժարվեց թե տնօրենն է՝ ասաց պարզապես ընկերաբար օգնում է իսկական տնօրենին: Մեր հարցին, թե ո՞վ է սեփականատերը նա հաստատեց, որ Յուրա Բեգլարյանն է:
Մեր դիտարկումը, թե փողոցը մաքրեցին, որ քաղաքացիներին տրամադրեն, մեր զրուցակիցը ընդհատեց. «Բա ո՞ւմ են տրամադրել, քաղաքացիներին չե՞ն տրամադրել, հիմա, որ դու նստել ես, որտե՞ղ ես նստել»: Մեր զրուցակիցը նաեւ ասաց, որ քաղաքապետն անձամբ է պնդել, որ պարոն Բեգլարյանը հենց Աբովյան փողոցում ու հենց իր նախկին խանութի տեղում բացի սրճարանը: Մեր դիտարկմանը, թե պարոն Բեգլարյանն արտոնյալ էր, մեր զրուցակիցը մատնացույց արեց փողոցի մյուս սրճարանները. « Ինչու՞է արտոնյալ, արտոնյալ չէ՞ր Փարիզյանը, Ցենտրալը, Գուստոն»:VOICE242
Արփինե ՍԻՄՈՆՅԱՆ
