Արդեն մի քանի տարի է՝ ինչ Մանկական երկաթուղում երեխաներին չի զվարճացնում սպիտակ պոնին։ Այգու աշխատողները հստակ չգիտեն, թե որն է պատճառը։ Ասում են՝ կամ սատկել է, կամ էլ կենդանաբանական այգի են տարել։ Մանկական երկաթուղում այս օրերին չի գործում նաև մանկական փոխադրամիջոցը, որը Մաշտոցի պողոտային հարակից հատվածից երեխաներին տանում էր Մանկական երկաթուղի։ Այգում աշխատակիցներն ասացին, որ մի քանի օրից այն կրկին գործի կդրվի։
Մանկական երկաթուղի տանող միակ ոտքի ճանապարհն անցնում է թունելի միջով։ Մանուկների զվարճանքի վայր տանող այս ճանապարհը համարվում է մայրաքաղաքի ամենամեծ գետնացումը, որն այնքան էլ չի փայլում մաքրությունից և թույլ է լուսավորված։
Մանկական երկաթուղու սեփականատեր Սամվել Գևորգյանը համոզված է, որ թունելի ոչ բարվոք վիճակը չի խանգարում, որ ծնողներն իրենց երեխաներին զբոսայգի բերեն։
«Դե թունելը մերը չի, բայց դե եկողը գալիս է։ Էսքան ժամանակ վտանգավոր ինչ-որ բան չի եղել, որ դժգոհեն։ Ճիշտ է՝ կողտոտվում է՝ թուղթ են թափում, մյուս- մյուս, բայց 20 օրը մեկ, ամիսը մեկ բերում ենք, մաքրել ենք տալիս»,- ասաց Սամվել Գևորգյանը։
Մանրամասները կարդացեք այստեղ:
