Մեծամասնական ընտրակարգով ՀՀԿ կողմից առաջադրված Մանվել Բադեյանի մասին նույն ընտրատարածքում առաջադրված ՀՅԴ թեկնածու Արտաշես Նիկոյանը պարբերաբար հրապարակում էր, թե Բադեյանի համար դռնեդուռ ընկած ձայներ են հավաքում. «Ժողովրդին խաբում են, որ հավաքած անձնագրերի համարներով կարող են իրենց ստուգել, ճնշում են գործադրում: Հանրապետականի մեծամասնական թեկնածուն անունով է տեղացի, բայց այստեղ ընդհանրապես չի եղել, միայն 1999-ի ընտրապայքարին է եկել- գնացել»:
ՀՅԴ թեկնածուի ասածների մեջ ճշմարտություն կա՞ր, ինչու՞ չէիք արձագանքում՝ Aravot.am -ի այս հարցին պարոն Բադեյանը պատասխանեց. «Օրինակ եւ որեւէ ապացույց չներկայացրեց, այդ մեղադրանքներին, իհարկե, մերկապարանոց մեղադրանքներ էին: Դրանք ավելի շատ նման էին զրպարտությանը, եւ եթե այդ թեկնածուին բանի տեղ դնեի, նրան կհետապնդեի հենց այդ հարթության վրա: Ես այդ մարդուն լուրջ մարդ չեմ համարում , դրա համար էլ անդրադարձ էլ չունեմ»:
Արփինե ՍԻՄՈՆՅԱՆ
