Այսօր Երևանի պետական համալսարանը հյուրընկալել էր ՌԴ արտակարգ և լիազոր դեսպանի խորհրդական, Հայաստանում «Ռոսսոտրուդնիչեստվո»-ի հայաստանյան ներկայացուցչության ղեկավար Վիկտոր Կրիվոպուսկովին: Վերջինս նախ դասախոսություն կարդաց հայ-ռուսական արդի հարաբերությունների մասին, ապա պատասխանեց իրեն ուղղված հարցերին:
«Ռուսաստանը միշտ էլ կարեւորել է Հայաստանի հետ ունեցած իր կապերը, մասնավորապես՝ քաղաքական, տնտեսական եւ կրթական ուղղություններով: Այս թեմաները երբեք դուրս չեն գա ուշադրությունից,- ասում էԿրիվոպուսկովն ու ավելացնում,- Մենք իրար հետ կապված ենք ամուր պատմական կապերով: Ռուս-հայկական հարաբերությունների ընթացքում երբեք ընդհանուր սահման չի եղել, հակառակը` նրանց բաժանել են լեռները, սարերը: Պատմության մեջ չեն եղել այնպիսի պետություններ, որ այդ դեպքում կապված լինեն: Երբեք ռուսները կամ հայերը չեն խաբել իրար: Դա, իհարկե, մի շարք պաշտոնյաների շնորհիվ է: Ես երբեք չեմ հոգնում պատմել մյուսներին, թե որքան գեղեցիկ, հաճելի վայր է Հայաստանը»:
Ուսանողներից մեկի այն հարցին, թե ինչպիսին է իր տեսակետը Լեռնային Ղարաբաղի հարցում, ՌԴ արտակարգ և լիազոր դեսպանի խորհրդականը պատասխանեց. «Ղարաբաղը հայկական հող է: Ղարաբաղցիները, ի տարբերություն մյուսների, երբեք չեն հեռացել իրենց հայրենիքից: Այսօր այնտեղ հայերի մաքուր գենոֆոնդ է ապրում: Դեռ այն ժամանակվանից են ադրբեջանցիները ցանկացել փոքրիկ ցեղասպանություն անել, բայց հայերը պաշտպանել են ոչ միայն իրենց պատմությունը, այլեւ իրենց տունը»:
Ռուսաստանը միջնորդ է ղարաբաղաադրբեջանական կոնֆլիկտի հարցում եւ կողմ է խնդրի խաղաղ լուծմանը: Բնախոսն էլ կոչ է անում ադրբեջանցիներին` դադարեցնել դիպուկահարների կրակոցները ու ապրել հանգիստ:
Արամ ԱՐԱՐԱՏՅԱՆ
