Սիրիայի հնարավոր իշխանափոխության եւ Իրանի դեմ պատերազմի սանձազերծման դեպքում, ըստ քաղտեխնոլոգ Կարեն Քոչարյանի՝ Հայաստանը կհայտնվի շատ ծանր իրավիճակում: Քոչարյանի կարծիքով՝ «ինչպես հայտնի «Նու պագադի» մուլտֆիլմում է գայլը հայտնվում ինքն իր ձեռքով շարած պատերի մեջ, Հայաստանը կհայտնվի հենց այդ վիճակում: Ողջ զարգացումներն ավելի շատ աշխարհաքաղաքական բնույթ են կրում»:
Փետրվարին նախագահական ընտրություններ են, հոկտեմբերից սկսվելու է թեկնածուներ առաջադրելու գործընթացը. «Թե ինչ կլինի՝ դա էլ բնականաբար, կախված է արտաքին աշխարհաքաղաքական զարգացումներից: Կունենա՞ արդյոք ԲՀԿ-ն իր թեկնածուն, թե՞ կպաշտպանի Սերժ Սարգսյանին, ինչպիսի՞ թեկնածու կառաջադրեն, այսպես կոչված, արեւմտամետ ուժերը, արդյոք ընդդիմությունը կմիավորվի՞ մեկ թեկնածուի շուրջ, թե՞ տարբեր թեկնածուներ կառաջադրեն, այս ամենը կախված կլինի մոտակա ամիսների ընթացքում տիրող արտաքին զարգացումներից»,- նշեց Քոչարյանը:
Եվա ՀԱԿՈԲՅԱՆ
