Հատվածներ ՀԱԿ խմբակցության ղեկավար Լեւոն Զուրաբյանի հարցազրույցից:
– Պարբերաբար խոսվում է ՀՅԴ-ԲՀԿ–ՀԱԿ խմբակցությունների համագործակցության մասին։ Հատկապես ընդդիմություն ինքնահռչակված ԲՀԿ–ի հետ համագործակցությունն արդյո՞ք չի թուլացնի ՀԱԿ–ին։
– Դա իշխանության պրոպագանդան է։ Ես գիտեմ, որ մինչեւ հիմա եղել է այդ չարաբաստիկ կոալիցիան, եւ այդ ուժերը համախմբված են եղել, այսօր նման համախմբում չկա, Հանրապետական կուսակցությունը քաղաքականապես մեկուսացված է, նրա հետ կոալիցիա չի ուզում կազմել ոչ մի ուժ, բացի ՕԵԿ-ից, որը քաղաքական ուժ չէ, ընթերցողներն էլ կհամաձայնեն, որ այն վարկաբեկված կցորդ է, որի հետ կոալիցիա կազմելը ոչ մեկին պատիվ չի բերի։ Կոալիցիա գոյություն չունի, եւ դա լուրջ զարգացում է, եւ դա նշանակում է, որ Հանրապետական կուսակցությունը ստիպված է ամբողջ պատասխանատվությունը վերցնել իր վրա, որը թույլ է տալիս Կոնգրեսին այս վիճակում գնալ այնպիսի քաղաքական գործընթացների, որոնց լոկոմոտիվը Կոնգրեսը կլինի, ու որոնցով հնարավոր կլինի ռեժիմին ընդդիմացող բոլոր ուժերի համախմբումը… Իսկ ռեժիմի քաղաքական հենարանը թուլացած է։
– Պարոն Զուրաբյան, անսպասելի էր հատկապես դաշնակցականների հետ համագործակցությունը, դուք թշնամական հարաբերությունների մեջ էիք…
Կարդացեք նաև
– Թշնամություն… ես չեմ կարծում, որ երբեւիցե եղել է, ինչպես Դուք եք որակում… Միեւնույն է, քաղաքականության մեջ չեն լինում հավերժական թշնամիներ եւ բարեկամներ…
Գայանե ՍԱՐԻԲԵԿՅԱՆ
«Հրապարակ»
