Այսօր Մոսկվայում բլից մրցաշարով մեկնարկում է 15 հազար եվրո ընդհանուր մրցաշարային ֆոնդով աշխարհի տասն ուժեղագույն շախմատիստների միջեւ Միխայիլ Տալի ավանդական հուշամրցաշարը, որին մասնակցում են Լեւոն Արոնյանը, Մագնուս Կարլսենը, Վլադիմիր Կրամնիկը, Ալեքսանդր Գրիշչուկը, Թեյմուր Ռաջաբովը, Հիկարու Նակամուրան, Ֆաբիանո Կարուանան, Ալեքսանդր Մորոզեւիչը, Եվգենի Տոմաշեւսկին եւ Լյուկ Մաքշեյնը:
Կազմակերպիչները հիմնական մրցաշարում մասնակիցների մեկնարկային համարների բաշխման յուրօրինակ տարբերակ են գտել` դա որոշելով բլիցում գրաված տեղերով:
Արդեն հայտնի է նաեւ շրջանաձեւ մրցակարգով անցկացվելիք հիմնական մրցաշարի խաղացանկը: Հայաստանի լավագույն շախմատիստ Լեւոն Արոնյանն ըստ հերթականության հանդիպելու է.
1-ին տուր` Արոնյան-Տոմաշեւսկի, 2-րդ` Կարլսեն-Արոնյան, 3-րդ` Արոնյան-Մաքշեյն, 4-րդ` Արոնյան-Կրամնիկ, 5-րդ` Ռաջաբով-Արոնյան, 6-րդ` Արոնյան-Նակամուրա, 7-րդ` Կարուանա-Արոնյան, 8-րդ` Արոնյան-Մորոզեւիչ, 9-րդ` Գրիշչուկ-Արոնյան:
Հիմնական մրցաշարի ընդհանուր մրցանակային ֆոնդը 100 հազար եվրո է:
