Նախօրեին ԱՄՆ պետքարտուղար Հիլարի Քլինթոնը հայտարարել է, թե «Մենք հավատացած ենք, որ Հայաստանը… ամեն ինչ կանի, որ հաջորդ ընտրությունները լինեն էլ ավելի թափանցիկ ու ազատ»։
«ՉԻ»- Եթե այն, ինչ տեղի է ունեցել մայիսի 6-ին, համարվում է «ազատ ու թափանցիկ», ապա կարելի է պատկերացնել, թե որն է լինելու «էլ ավելի թափանցիկ ու ազատ»-ը։ Դա երեւի նշանակում է, որ ընտրողների թիվը պիտի ավելացվի եւս 200-300 հազարով, իսկ ընտրակաշառքի «միջին դրույքաչափը» հասցվի առնվազն 20 հագար դրամի։ Ի՞նչ է ստացվում։ Ստացվում է, որ այս հայտարարությամբ ԱՄՆ պետքարտուղարությունն ուղղակիորեն միջամտում է ոչ միայն Հայաստանի ֆինանսատնտեսական համակարգին, այլեւ ազատ շուկայական հարաբերություններին եւ գնագոյացման մեխանիզմներին, ինչը միանգամայն անթույլատրելի է։ Ավելին՝ տիկին Քլինթոնը փաստորեն Սերժ Սարգսյանին լրացուցիչ ծախսի տակ է գցում։ Հուսով ենք՝ միջազգային ֆինանսական կառույցներն ինչ-որ կերպ կփոխհատուցեն այդ հավելյալ ծախսերը։ Որքանով տեղյակ ենք՝ Տիգրան Սարզսյանն արդեն աշխատում է այդ ուղղությամբ։
«Չորրորդ ինքնիշխանություն»
