Այս տարի ընդհանուր պատմություն առարկայի միասնական քննությունից 2 հոգի 20 միավոր է ստացել, եւ սա այն դեպքում, երբ ավանդաբար դիմորդները այս քննությունից շատ բարձր չեն ստանում:
Ի դեպ, 2010-ին նույն առարկայից որեւէ մեկը 20 չի վաստակել, եւ նվազագույնի շեմը չի հաղթահարել 5,8 %-ը: 2009-ին ընդհանուր պատմություն առարկայի քննությունից «կտրվել» էր 15,4%-ը, 20, 19,75, 19,5 եւ 19,25 միավոր ոչ ոք չէր հավաքել, իսկ 19 միավոր բաժին էր հասել ընդամենը 3 հոգու:
Այն, որ ընդհանուր պատմությունից այս տարի 17,5-20 միավոր է ստացել դիմորդների 15,9%-ը, 13,5-17,25 միավոր՝ 24,8-ը, խոսում է այն մասին, որ առաջադրանքները բավականին հեշտ են եղել: Ի դեպ, նման միտում կար 2010-ին նաեւ հայոց պատմություն առարկայի պարագայում՝ 20 միավոր ստացել էր 7 դիմորդ:
Կարդացեք նաև
Գոհար ՀԱԿՈԲՅԱՆ
