Aravot.am-ը Համաշխարհային քաղաքական զարգացումների հետազոտման կենտրոնի տնօրեն, ազգությամբ թուրք Մենսուր Աքգյունից, որն այս օրերին Ստամբուլից Երեւան է ժամանել եւ մասնակցում է հայ-թուրքական հարաբերություններին վերաբերող «կլոր սեղանին», հետաքրքրվեց, թե ինչ է մտածում հունիսի 4-ին հայ-ադրբեջանական սահմանի հյուսիսարեւելյան հատվածում հերթական անգամ ադրբեջանական կողմից շփման գծում խախտած հրադադարի ռեժիմի մասին, որտեղ հակառակորդը փորձել է ներթափանցել ՀՀ Տավուշի մարզի Բերդավան եւ Չինարի գյուղերի ուղղությամբ տեղակայված հայկական հենակետեր, արդյունքում հայկական կողմն ունեցել է 3 զոհ եւ 6 վիրավոր:
Մենսուր Աքգյունը շրջանցելով հարցը՝ ընդամենը պատասխանեց. «Հայ- թուրքական հարաբերությունների հետ կապված ես դրական եմ նայում եւ լավատեսական եմ տրամադրված: Բացի այդ՝ այստեղ, մեր այսքան շատ գնալ-գալը քաղաքականության վրա բավականին մեծ ճնշում է առաջացնում: Եվ եթե Հայաստանի կողմն էլ Ադրբեջանի հետ կապված իր հարաբերությունները զարգացնելու նպատակով մի փոքր քայլ անի՝ այդ ժամանակ մեր գործը Թուրքիայում կհեշտանա: Կողմերի միջեւ որոշելիք խնդիր է սա, ու միայն այդ դեպքում մենք՝ մեր գործընկերոջ տանը եւ պետության վրա կկարողանանք ճնշում գործադրել»:
Եվա ՀԱԿՈԲՅԱՆ
Կարդացեք նաև
