Հատվածներ Առաքել Մովսիսյանի հարցազրույցից:
– Պրն Մովսիսյան, կարծիք կա, որ հրատապ կերպով լծվել եք նախագահական ընտրությունների նախապատրաստական աշխատանքներին։ Ինչո՞ւ եք այդքան շտապում, ինչ–որ բա՞ն է պատահել ՀՀԿ–ի ներսում, ոնց որ շատ խառն եք։
– Ախր էդ բաները որտեղից եք իմանում, տենց էլ չենք հասկանում։ Օրը ցերեկով հո՞ դուք խաթա չեք մեր գլխին։ Բայց ասեմ իմանաս. մեզ համար երբեւիցե նշանակություն չունի, թե երբ են ընտրությունները։ Մենք գիշեր-ցերեկ մեր ժողովրդի կողքին ենք, հասկըցա՞ր։ Մենք ընտրությանը ինչ պետք է անում ենք, իսկ երբ որ ընտրության ժամանակը գա, էն վախտ նորից նույնը շարունակվելու ա։
– Ի՞նչն է շարունակվելու, ընտրությունները կեղծե՞լը, թե ընտրակաշառքներ բաժանելը։ Ի դեպ, այս անգամ գնային քաղաքականությունը ինչպիսի՞ն է լինելու, եւ օգտագործվող թանաքները քանի՞ ժամվա մեջ են հօդս ցնդելու։
Կարդացեք նաև
– Լսի, հո՞ դու չես գժվել, էս ի՞նչ ախմախ հարցերի մասին ես խոսում, ամոթ ա, մեծ աղջիկ ես։ Էս պահին հլը ընտրություն չկա, ու մենք էլ պատրաստ ենք մեր ժոդովրդի կարիքները հոգալու։
– Խորհրդարանական ընտրություններին ձեր մարզում ՀՀԿ–ն ձայների լուրջ կորուստներ է արձանագրել:
– Դե հիմա դաշտերից հո զոռով չէինք բերելու, որ ընտրության գան։ Ինչքան կարողացել ենք, էնքան էլ բերել ենք։ Ինչքան որ դուրս են եկել ընտրության, էնքան էլ եղել ա։ Ժողովուրդը դաշտերում է, որոնք որ հեռու են մնում, մարդիկ էլ կան ի միջի այլոց են մտածում ընտրությունների մասին, կամ էլ կասեի այդ պրոցեսին անլուրջ են վերաբերում։
– Բա որ նախագահական ընտրություններին էլ անլուրջ մոտենան ու դուրս չգան ընտրության, ի՞նչ եք անելու։
– Խելոք են, կգան։
Գայանե ԶԱՐԳԱՐՅԱՆ
«Չորրորդ ինքնիշխանություն»
