Մոսկվայում բացվել է «մեծերի համար» նախատեսված «X’show-2012» ամենամյա էրոտիկ ցուցահանդեսը: Կազմակերպիչներին ապշեցրել է այս տարվա այցելուների քանակը, քանի որ էրոտիկ ցուցահանդեսը հետաքրքրել է ոչ միայն հասարակ քաղաքացիներին, նաեւ շոու-բիզնեսի ներկայացուցիչներին, հայտնի դեմքերին:
Հատկապես ցուցահանդեսի բացման առաջին օրը՝ մայիսի 29-ին, կազմակերպիչները ստիպված են եղել մի քանի ժամով երկարացնել ցուցահանդեսի համար նախատեսված ժամանակը:
Կարդացեք նաև
«X’show-2012» -ի շրջանակներում անցկացվել են նաեւ վարպետության դասընթացներ, ցուցադրվել են փոքրիկ բեմադրություններ, պարեր, մերսման տեսակներ, ինչպես նաեւ այցելուները հնարավորություն են ունեցել իրենց հետաքրքրող հարցերն ուղղել սեքսոլոգներին, սեքսապաթոլոգներին: Այդ ամենից բացի՝ հյուրերին զվարճացրել են նաեւ սեքսուալ հանդերձանքով, մերկ եւ կիսամերկ մոդելները:
Կազմակերպիչները նշել են, որ ցուցահանդեսը «խփել է» սեքս-շոփերի աշխատանքին, քանի որ, ցուցահանդեսի օրերին մարդիկ գերադասել են իրենց հետաքրքրող սեքս-պարագաներն ընտրել «X’show-2012» -ի շրջանակներում առաջարկվող ապրանքներից:
Լիկա ԳԼԱՄՈՒՌՅԱՆ
