Մեդիամաքս: Հավաքական անվտանգության պայմանագրի կազմակերպությունը (ՀԱՊԿ) անհանգստացած է Ղարաբաղյան հակամարտության գոտում ծավալվող իրավիճակով:
Այս մասին այսօր Մեդիամաքսի-ն ասել է ՀԱՊԿ մամուլի քարտուղար Վլադիմիր Զայնետդինովը: Նա հիշեցրել է, որ Լեռնային Ղարաբաղի հակամարտության կարգավորումը իրավասությունը պատկանում է ԵԱՀԿ Մինսկի խմբին:
«Այսօրվա դրությամբ մենք, ցավոք, ավելացնելու ոչինչ չունենք: Որքան ինձ հայտնի է, հայկական կողմը դեռեւս ՀԱՊԿ-ին չի դիմել», – ասել է Վլադիմիր Զայնետդինովը:
Կարդացեք նաև
Պատասխանելով Մեդիամաքս-ի այն հարցին, թե կարելի է արդյո՞ք Ադրբեջանի այսօրվա դիվերսիան որակել որպես ՀԱՊԿ անդամ-պետության դեմ ծավալած ագրեսիա, կազմակերպության մամուլի քարտուղարն ասել է, որ «նման հարցերը Հավաքական անվտանգության Խորհրդի իրավասության ներքո են գտնվում».
Հունիսի 4-ի լուսադեմին հայ-ադրբեջանական սահմանի հյուսիսարեւելյան հատվածում տեղի ադրբեջանական դիվերսիայի հետեւանքով զոհվել են 3 հայ զինծառայողներ, կան վիրավորներ:
