Ռուսաց լեզվի օրը ՄԱԿ – ում նշվում է հունիսի սկզբին, որը համընկնում է նշանավոր ռուս բանաստեղծ Ալեքսանդր Պուշկինի ծննդյան օրվան (հունիսի 6): Ուսանողները երգում եւ կարդում են Պուշկինի բանաստեղծությունները:
Դաֆինա Գերչևան` ՄԱԿ – ի մշտական համակարգողը, ասաց. «Ուրախ եմ տեսնել այսքան շատ երիտասարդներ այս լսարանում: Կարեւոր է, որ հայերը սովորում են ռուսերեն, ինչը կոգնի նրանց բացել սահմանները եւ սովորել ավելին իրենց շրջապատող աշխարհի մասին,որը կոգնի նրանց դառնալ աշխարհի քաղաքացիներ: Մենք ապրում ենք բազմալեզու աշխարհում, որտեղ լեզուները , որով մենք խոսում, կարդում, կամ գրում ենք, ազդում են մեր մտածելակերպի և մեր գործունեության վրա »:
Արմեն Դարբինյանը` Ռուս – հայկական (Սլավոնական) համալսարանի ռեկտորը, խոսեց Հայաստանում ռուսերենի ուսուցման հնարավորությունների մասին և այն կարևոր դերի մասին, որը ստանձնում է ռուսաց լեզուն ՄԱԿ-ի ուղերձը աշխարհով սփռելու գործում:
Հայաստանում Ռուսասստանի Դաշնության դեսպան `Վյաչեսլավ Կովալենկոն, խոսեց ՄԱԿ-ոմ ռուսաց լեզվի կիրառման մասին և կոչ արեց հայ երիտասարդությանը հետագայում ևս ուսումնասիրել այս լեզուն:
Կարդացեք նաև
Միջոցառումը կազմակերպված էր ՄԱԿ-ի Հանրային Տեղեկատվության բաժնի և Հայ-ռուսական (Սլավոնական) համալսարանի կողմից և անցկացվում էր Ռուսասստանի Դաշնության, Բելառուսի , Ղազաղստանի և ՌոսՍոտրուդնիչեստվո-ի աջակցությամբ:
Այն անցկացվեց Հանրային Տեղեկատվության և համալսարանի համագործակցության ծրագրի շրջանակներում:
Արաբերենը, չինարենը, անգլերենը, ֆրանսերենը, ռուսերենը և իսպաներենը ՄԱԿ-ի վեց պաշտոնական լեզուներն են: 2010թ Նյու-Յորքում ՄԱԿ-ի Հանրային Տեղեկատվության բաժինը հայտարարեց ՄԱԿ-ում լեզուների օրերի մեկնարկի մասին. նախագիծ, որը ուղղված է տոնելու բազմալեզվությունը և մշակության բազմազանությունը:
ՄԱԿ-ի Տեղեկատվության բաժնի Երևանյան գրասենյակը իր գործընկերների հետ նշում է ՄԱԿ-ի վեց պաշտոնական լեզուների օրերը:
