«Ես դրական եմ համարում այն հանգամանքը, որ ՀԱԿ-ը հայտնվեց ԱԺ-ում, որովհետեւ այդ դաշինքը մեր քաղաքական ճանապարհի կարեւոր օղակն է»,- այսօր «Փաստարկ» ակումբում հայտարարեց ՀՀԿ պատգամավոր Գագիկ Մինասյանը: Նրա կարծիքով՝ ԱԺ-ում ՀԱԿ-ի հետ քննարկումները կլինեն կառուցողական. «Ինչ վերաբերում է ԲՀԿ-ին, ցանկացած կուսակցություն ինքն է որոշում իր տեղն ու դերը դաշտում: Ապագան ցույց կտա այն կեցվածքը, որոնք կզարգանան խորհրդարանի պատերից դուրս: Ընտրությունների ժամանակ դուք տեսաք, թե ինչպես մասնակցեց ԲՀԿ-ն քվեարկություններին՝ հանձնաժողովների: Դա այն է, ինչ նրանք տվել են իրենց կեցվածքի վերաբերյալ գնահատական, այն է՝ կառուցողական դիրքորոշում»:
Հարցին՝ ի՞նչ սպասելիքներ ունեք, եթե ԲՀԿ-ն չպաշտպանի Սերժ Սարգսյանի թեկնածությունը նախագահական ընտրություններին, ՀՀԿ-ն վստահ չէ՞ իր ուժերին՝ նա հիշեցրեց, որ կա հուշագիր, որտեղ Գագիկ Ծառուկյանը խոստացել է պաշտպանել Սերժ Սարգսյանի թեկնածությունը: Aravot.am-ի հարցին՝ այդ կոալիցիոն հուշագիրը չի՞ կորցրել իր ուժը՝ պարոն Մինասյանը պատասխանեց. «Քանի դեռ պարոն Ծառուկյանը չի հայտարարել այդ մասին, ուրեմն՝ ոչ»:
Հռիփսիմե ՋԵԲԵՋՅԱՆ
Կարդացեք նաև
