Այսօր երեկոյան ժամը 20-ի սահմաններում հրդեհ է բռնկվել Կապանի օդանակավակայանի հարակից տարածքում: Հրդեհի արդյունքում այրվել է վաղուց չշահագործվող օդանավակայանի 3 փայտե տնակներից մեկը, որը գտնվում է Կապանի ենթակայության տակ: Սյունիքի մարզային փրկարար ծառայություն դեպքի մասին ահազանգել են 20:16 րոպեին, որից հետո անմիջապես Կապան քաղաքի Գործարանային 3 փողոցում գտնվող օդանավակայանի հարակից տարածք է մեկնել մեկ մարտական հաշվարկ: Փրկարար ծառայության աշխատակիցներին հաջողվել է կրակը մեկուսացնել 20:26-ին, իսկ կրակն ամվողջությամբ մարվել է 20:45 րոպեին: Հրդեհի արդյունքում ամբողջությամբ այրվել է մոտ 8 ք.մ տարածք ուենցող փայտե տնակը, որը վաղուց չէր օգտագործվում եւ դատարկ էր: Դեպքի պահին տարածքում մարդ չի եղել եւ տուժածներ չկան: Իսկ հրդեհի բռնկման պատճառները դեռեւս ճշտվում են:
Մերի ՍՈՂՈՄՈՆՅԱՆ
