Երեկ Հայաստանի բոլոր մարզերում ձեւավորված քննակենտրոններում դիմորդները քննություն հանձնեցին կենսաբանություն (1938 դիմորդ), աշխարհագրություն (392 դիմորդ) եւ ընդհանուր պատմություն (397 դիմորդ) առարկաներից:
Aravot.am-ը ԳԹԿ իրավաբանական բաժնի ղեկավար Էդուարդ Սանթրոսյանից հետաքրքրվեց` քննությունների արդյունքների հետ անհամաձանության պարագայում` դիմորդները ե՞րբ կարող են բողոքարկել:
Պարոն Սանթրոսյանը նշեց, որ քննական կարգի համաձայն` քննությունների արդյունքները հրապարակվում են տվյալ քննությունից հետո` 5-րդ օրը: Պաշտոնական հրապարակման հաջորդ օրն իսկ դիմորդը կարող է բողոքարկել` ժամը 10-18-ը: Նրա տեղեկացմամբ, նույն կարգի համաձայն, բողոքարկման հանձնաժողովի կողմից պատասխան է տրվում բոլոր քննությունների ավարտից հետո` եռօրյա ժամկետում: Եվ քանի որ այս տարի քննություններն ավարտվում են հունիսի 22-ին, հետեւաբար բողոքարկման արդյունքները հայտնի կդառնան հունիսի 23-26-ն ընկած հատվածում:
Կարդացեք նաև
Գոհար ՀԱԿՈԲՅԱՆ
