«Լեռնային Ղարաբաղի հակամարտությունը լրջորեն սահմանափակում է Հայաստանի զարգացման հնարավորությունները, բարեկեցության հասնելու հնարավորություններն ու նաեւ այս աշխարհագրական միջավայրում ինտեգրվելու հնարավորությունները»,- հայտարարեց Հարավային Կովկասում Եվրամիության հատուկ ներկայացուցիչ Ֆիլիպ Լեֆորը:
Եվրամիության հատուկ ներկայացուցչի պատկերացմամբ՝ չկա անլուծելի հակամարտություն, անկախ դժվարություններից, ձգձգվածությունից, ու իր խոսքով ասած՝ հակամարտության ցավոտ լինելուց: «Միշտ էլ կա ելք: Հակամարտությունից հետո կյանքը շարունակվելու է: Այլընտրանք կա, ավելի պայծառ ապագա, ձեր եւ Ադրբեջանի ժողովուրդների համար: Կարծում եմ՝ այլընտրանքն ավելի լավ է, քան շփման գծի երկայնքով դիպուկահարների կրակոցներ ստանալը»,- հավելեց Լեֆորը՝ ավելացնելով, որ Հայաստանի պարագայում ամենահարմար տարբերակը Մադրիդյան սկզբունքներն են: «Մադրիդյան սկզբունքները լուրջ այլընտրանք են առկա իրավիճակի համար, իսկ Եվրամիությունը պատրաստ է օգնել, օժանդակել, որպեսզի դրանք կյանքի կոչվեն»,- ավելացրեց Լեֆորը՝ խորհուրդ տալով շատ չհենվել միջազգային գործընկերների վրա, քանի որ վերջիններս ամենազոր եւ անմենակարող չեն:
Եվա ՀԱԿՈԲՅԱՆ
