Պատգամավոր Սամվել Ալեքսանյանը հայտարարել է, թե քաղաքապետարանը Փակ շուկայի քանդման թույլտվություն չի տվել, բայց իրենք չեն էլ քանդել, շենքի տանիքն ինքն իրեն է քանդվել։
«ՉԻ»- Փաստորեն՝ Սամվել Ալեքսանյանը փրկել է ազգաբնակչությանը: Ժամանակին նկատել է, որ շենքը վատ վիճակում է եւ կարող է ցանկացած պահի փլուզվել, դրա համար էլ չորս կողմից փակել է տարածքը, որ հանկարծ ինքնափլուզման ժամանակ պատահական մարդիկ չտուժեն։ Ազգաբնակչության նկատմամբ նման սրտացավ վերաբերմունքն, ինչ խոսք, միայն դրվատանքի է արժանի, եւ Երեւանի քաղաքապետարանը, կարծում ենք, պարտավոր է գնահատել պատգամավորի արարքը։
Բայց մեզ, ճիշտն ասած, բոլորովին այլ հարց է մտահոգում։ Ձեզ չի՞ թվում, որ կառավարության շենքը մի տեսակ խախուտ է եւ, հեռու տնից-տեղից, ցանկացած պահի կարող է փլվել՝ փլատակների տակ թողնելով անցորդներիս։ Մերձակայքում էլ «կակռազ» սուպերմարկետներ չկան։ Չէ, ոչինչ չենք ակնարկում։ Պարզապես Հանրապետության հրապարակը որպես «ստայանկա» իդեալական է: Իսկ շենքի արտաքին տեսքը կարելի է եւ պահպանել։
«Չորրորդ ինքնիշխանություն»
