«Պառլամենտում մեկը մյուսի փոխարեն քվեարկելը տարածված երեւույթ է: կարծում եմ՝ կարելի է այդ ուղղությամբ մտածել», հայտարարել է ԱԺ արդեն նախկին նախագահ Սամվել Նիկոյանը:
«ՉԻ»- Սամվել Նիկոյանը ճիշտ ժամանակին է խորհուրդ տալիս այդ մասին մտածել, այսինքն՝ օրինականացնել ուրիշների փոխարեն քվեարկել։ Իշխող կոալիցիան ընդամենը 75 ձայն ունի, ու եթե մի քանի հոգի բացակայեն՝ հնարավոր չի լինի որոշումներ ընդունել։ Համ էլ՝ ամեն անգամ ավելորդ աղմուկ է բարձրանում, կրքեր են շիկանում, մի խոսքով՝ ներքաղաքական կայունությունը խաթարվում է։
Միակ հարցը, որ առաջանում է, հետեւյալն է. իսկ ինչո՞ւ միայն խորհրդարանում ուրիշների փոխարեն քվեարկելն օրինականացնել: Դա կարելի է տարածել նաեւ նախագահական եւ խորհրդարանական ընտրությունների վրա։ Ասենք՝ ամեն ընտրատարածքում ՀՀԿ-ն մի 10-15 քվեարկող է նշանակում, սրանք շրջում են տեղամասից տեղամաս եւ արագ-արագ բոլորի փոխարեն քվեարկում, եւ վերջ: Էլ ոչ ավելորդ աղմուկ, ոչ ավելորդ ծախսեր։ Միջազգային դիտորդներն էլ ավել-պակաս չեն խոսի։
«Չորրորդ ինքնիշխանություն»
Կարդացեք նաև
