Արդարադատության նախարարության «Նուբարաշեն» քրեակատարողական հիմնարկում երկրորդ օրն է, ինչ հացադուլ է հայտարարել կալանավոր Գարիկ Առաքելյանը: Ըստ մեր աղբյուրի, նա կարել է անգամ բերանը:
Կալանավորն անցյալ տարվա օգոստոսի 27-ի լույս 28-ի գիշերը վեճի էր բռնվել բուժաշխատողի հետ, որը պատշաճ բուժօգնություն ցույց չի տվել երեխային: Հետագայում նրան մեղադրանք առաջադրվեց խուլիգանություն հոդվածով՝ Գարիկը դատապարտվեց 1 տարվա ազատազրկման: Նրան մնացել է 3 ամիս ժամանակ՝ ազատվելու:
ՔԿՀ մամուլի պատասխանատու Գոռ Ղլեչյանը մեր հարցին, թե ինչպիսին է կալանավորի վիճակը, քանի որ նա տառապում է թոքերի ինֆլիտրատիվ քայքայման փուլում գտնվող տուբերկույլոզ հիվանդությամբ՝ պատասխանեց, որ կալանավորը գտնվում է առանձնացված խցում, բժիշկների հսկողության տակ, իսկ բերանն էլ չի կարել:
Գարիկ Առաքելյանը բողոքում է իր դեմ կայացրած դատական ակտի դեմ:
