Լոռու մարզի ընդհանուր իրավասության դատարանը որոշում է կայացրել գրավով ազատ արձակել Վանաձորի թիվ 1 հիվանդանոցի մասնագիտացված բաժանմունքի վարիչ, կրծքային վիրաբույժ Գեորգի Իլոյանին եւ նույն հիվանդանոցի ռենտգենաբան Վարդան Մխիթարյանին:
Վերջիններս մեղադրվում են մասնագիտական պարտականությունները ոչ պատշաճ կատարելու մեջ, որի հետեւանքով վանաձորցի Վ. Մարկոսյանը մահացել է:
«Դատարանը միջնորդության արդյունքում գտել է, որ կալանքը պետք է բավարարել, բայց միաժամանակ բավարարել է պաշտպանների միջնորդությունները եւ կալանքը փոխարինել գրավով»,- Aravot.am-ի հետ զրույցում տեղեկացրեց Վարդան Մխիթարյանի փաստաբան Ռուբեն Հակոբյանը:
Նա, սակայն, նշում է, որ դատարանը պետք է մերժեր կալանքի միջնորդությունը, ոչ թե այն փոխարիներ գրավով: «Ձերբակալությունն ապօրինի է, առանց հիմքերի»,- ասում է փաստաբանը:
Կարդացեք նաև
Անուշ ԲՈՒԼՂԱԴԱՐՅԱՆ
