Հասարակություն-ոստիկանություն կապի ամրապնդման, ոստիկանական ստորաբաժանումների աշխատանքի թափանցիկությունն ապահովելու, քաղաքացիներին անհրաժեշտ տեղեկություն տրամադրելու նպատակով ՀՀ ոստիկանության հասարակայնության հետ կապի եւ լրատվության վարչությունում գործում է «Ուղիղ կապ», որի ընթացքում քաղաքացիներին հետաքրքրող հարցերին պատասխանում են ոստիկանության ծառայությունների պատասխանատուները:
Հունիսի 1-ին հերթական «Ուղիղ կապ»-ի հյուրն է լինելու ճանապարհային ոստիկանության իրավաբանական բաժնի պետ, ոստիկանության փոխգնդապետ Արման Չիլինգարյանը, ում կարող եք հարցեր ուղղել «Վարչական իրավախախտումների վերաբերյալ» ՀՀ օրենսգրքում կատարված այն փոփոխությունների և լրացումների մասին, որոնք ուժի մեջ են մտնելու 2012 թ. հունիսի 2-ից և սահմանելու են ճանապարհային երթևեկության անվտանգության ապահովման բնագավառի իրավախախտումների համար պատասխանատվություն նախատեսող կարգը:
Կարող եք զանգահարել ժամը 15.00-ից մինչեւ 16.30-ը՝ 59-60-54 հեռախոսահամարով:
ՀՀ ոստիկանություն
