ՀՀ սահմանադրական դատարանի մայիսի 21-ին աշխատակարգային որոշմամբ հայտնի են դարձել ՀՀ ԱԺ մեծամասնական ընտրակարգով ընտրությունների արդյունքները վիճարկող պատգամավորության թեկնածուների դատաքննության օրերը:
Ինչպես Aravot.am-ում տեղեկացրել ենք, Սահմանադրական դատարան էին դիմել պատգամավորի 6 թեկնածու:
37 ընտրատարածքում առաջադրված Սամվել Հարությունյանի դիմումի քննությունը նշանակվել է հունիսի 5-ին, ժամը 10.00-ին:
Թիվ 3 ընտրատարածքում պատգամավորի թեկնածու Մանուել Գասպարյանի դիմումի քննությունը նշանակվել է հունիսի 8-ին, ժամը 10.00-ին:
Թիվ 9 ընտրատարածքում պատգամավորի թեկնածու Լեւոն Զուրաբյանի դիմումի քննությունը նշանակվել է հունիսի 12-ին, ժամը 10.00-ին:
Կարդացեք նաև
Թիվ 7 ընտրատարածքում պատգամավորի թեկնածու Նիկոլ Փաշինյանի դիմումի քննությունը նշանակվել է հունիսի 15-ին, ժամը 10.00-ին:
38 ընտրատարածքի պատգամավորի թեկնածու Դավիթ Մաթեւոսյանի գործով դատաքննությունը նշանակվել է հունիսի 19-ին, ժամը 10.00-ին:
Թիվ 17-ում պատգամավորի թեկնածու Գագիկ Ներսիսյանի գործով դատաքննությունը նշանակվել է հունիսի 22-ին, ժամը 10.00-ին:
Ի դեպ, զեկուցողներ են նշված գործերով նշանակվել, հաջորդաբար՝ ՍԴ անդամներ Վ. Պողոսյանը, Կ. Բալայանը, Ա. Խաչատրյանը, Մ. Թոփուզյանը, Հ. Նազարյանը, Վ. Հովհաննիսյանը:
ՍԴ-ի աշխատակարգային որոշման համաձայն, սույն գործերի դատաքննությունը ընթանալու է գրավոր ընթացակարգով:
Ռուզան ՄԻՆԱՍՅԱՆ
