Մեդիամաքս: Հայաստանի վարչապետ Տիգրան Սարգսյանը հունիսի 4-ին ելույթ կունենա Բրյուսելի Եվրոպական քաղաքականության ուսումնասիրությունների կենտրոնում (CEPS):
Ինչպես հաղորդում է Մեդիամաքս-ը, վարչապետի ելույթը վերնագրված է «Հայաստանի եվրոպական կոչո՞ւմը» (Armenia’s European vocation?):
Մեդիամաքս-ը նշում է, որ մայիսի 31-ին Երեւանում կկայանա նոր գումարման խորհրդարանի առաջին նիստը, որից հետո Հայաստանի կառավարությունը հրաժարական կտա:
Հաշվի առնելով հունիսի 4-ին Բրյուսելում նախատեսված միջոցառմանը Տիգրան Սարգսյանի մասնակցությունը` կարելի է եզրակացնել, որ, ամենայն հավանականությամբ, նա կրկին կգլխավորի կառավարությունը:
