«ՕԵԿ-ը երբեք խաղ չի խաղացել: ՕԵԿ-ը եղել է ե՛ւ ընդդիմադիր դաշտում, ե՜ւ իշխանական թեւում, եւ գործել է միմիայն ի շահ մեր պետության ամրապնդման եւ մեր ժողովրդի բարօրության: Ստյոպա Սաֆարյանի կարծիքն իր անձնական կարծիքն է, խնդրում եմ հարցն ուղղել իրեն»,- ՕԵԿ պատգամավոր Իշխան Խաչատրյանն այսպես պատասխանեց, երբ Aravot.am-ը նրանից մեկնաբանություն խնդրեց ԲՀԿ-ի՝ կոալիցիա չկազմելու հետ կապված «Ժառանգության» ներկայացուցիչ Ստյոպա Սաֆարյանի մեկնաբանության առնչությամբ: Ըստ Ստյոպա Սաֆարյանի, ԲՀԿ-ն հնարավոր է գնում է ՕԵԿ-ի ճանապարհով եւ 2007-ի ՕԵԿ-ի խաղերն է խաղում:
Ինչ վերաբերում է Ստյոպա Սաֆարյանի այն դիտարկմանը, որ քվեարկությունները եթե նայենք, կտեսնենք, որ ՕԵԿ-ը այսպես ասած հակա-ՀՀԿ-ական քայլեր չի արել՝ պարոն Խաչատրյանը պատասխանեց, որ յուրաքանչյուր պատգամավոր Ազգային ժողովում քվեարկել է իր խղճի մտոք. «Այնպես որ դրանք չարախոսություններ են, եւ սա ես նորմալ չեմ ընդունում»: Մեր հարցին՝ հնարավո՞ր է հիմա ԲՀԿ-ն էլ կոալիցիա չկազմի, բայց աշխատի ՀՀԿ-ի հետ՝ պարոն Խաչատրյանն ի պատասխան հորդորեց ԲՀԿ-ին դա հարցնել՝ խոստանալով, որ կոալիցիան ձեւավորվելուց հետո, երբ ԱԺ կազմը վերջնականապես պարզ կլինի, նոր այն ժամանակ կպատասխանի այդ հարցերին:
Հռիփսիմե ՋԵԲԵՋՅԱՆ
Կարդացեք նաև
