Նոր կյանքում արդեն 50-րդ անգամ հնչեցին ավարտական զանգերը:
Հուզված էին բոլորը: Մեկ արտահայտությամբ այսպես կարելի է նկարագրել Արարատի մարզի Նոր կյանք գյուղի դահլիճում տիրող մթնոլորտը: Հուզված էին թե’ ուսուցիչները, եւ թե’ աշակերտները:
Շրջանավարտները մեծ պատասխանատվությամբ էին պատրաստվել այս օրվան. նրբորեն ընտրել բանաստեղծությունները, հայկական եւ արտասահմանյան հիթերը ձեւափոխել, նախապես ձայնագրվել էին ստուդիայում, որպեսզի այս օրն իսկական տոն պարգեւեն հանդիսատեսին: Եվ դա նրանց հաջողվեց: Դրա վառ ապացույցն էին ուսուցիչների թաց աչքերը, հուզված սրտերն ու հիասմունքի խոսքերը:
Դահլիճը լցված էր ալ-կարմիր սրտերով, ծաղիկներով, ջերմությամբ եւ սիրով: 51 աշակերտ հրաժեշտ տվեց դպրոցին` մտնելով նոր կյանք: Նրանք բոլորն էլ հրաժեշտի իրենց խոսքերն ասացին, որոշները` արցունքախառն աչքերով, որոշները` կիսատ` մի կերպ զսպելով իրենց հուզմունքը:
Ավարտական ցերեկույթին ներկա էին Արարատի մարզի Նոր կյանք գյուղի գյուղապետ Մայիս Աբրահամյանը, դպրոցի տնօրեն Գայանե Աշոտյանը, ուսուցիչներ, ծնողներ:
Sunset 11` mynews.am
