Ամերիկայի Միացյալ Նահանգներում վերջին զանգի արարողությունը շատ լուրջ բնույթ է կրում: Պատանի տղաները պարտադիր վարձակալում են նոր ու թանկարժեք կոստյումներ եւ Լիմուզինններ, իսկ աղջիկները հագնում են միմիայն երեկոյան զգեստներ: Տոնակատարությանը խստիվ արգելվում է ալկոհոլային ցանկացած խմիչք:
Չինաստանում ամեն ինչ այլ է: Վերջին զանգի տոնակատարություններից հետո չինացիները ստիպված են լինում երկար ժամանակ մաքրել իրենց քաղաքները, քանի որ այնտեղ ընդունված է վերջին զանգի օրը պատուհանից դուրս նետել ցակացած բան, ինչը կհիշեցնի դպրոցը`տետրեր, գրքեր եւ այլն:
Շվեդիայում տոնակատարությունը սկսվում է առավոտից: Շրջանավարտները նախաճաշելիս պարտադիր խմում են շամպայն եւ համտեսնում ելակ: Կրում են սպիտակ գլխարկներ, որոնց վրա իրենց մտերիմները ցանկության դեպքում ստորագրում են: Դպրոցից դուրս գալուց հետո գլխակները բոլորով միասին նետում են օդ:
Վերջին զանգի արարողությունը իսկական տոն է Նորվեգիայում: Շրջանավարտները հագնում են իրենց կողմից պատրաստած ծիծաղելի ու հետաքրքիր զգեստներ: Մայիսի մեկի գիշերը նրանք թողնում են ինչ-որ գրություն միմյանց հագուստների վրա եւ պայմանավորվում նույն գիշերը հավաքվել որեւէ վայրում նշելու օրվա առիթը: Նրանք պարտավորվում են իրենց հետ բերել հիմնականում ալկոհոլային խմիչքներ, որոնք հենց իրենք են պատրաստել: Եվ որ ամենահետաքրքիրն է` նորվեգացի շրջանավարտների համար տոնը ձգվում է մինչեւ 17 օր:
Հարավաֆրիկյան Հանրապետությունում վերջին զանգը լինում է նոյեմբեր ամսին: Այնտեղ ընդունված է ներկա լինել արարողությանը բոլոր բարեկամներով ու կրել հիմնականում էթնիկ հագուստներ:
Անդրանիկ Ջալալյան
Հ.Գ.Վերջում` սրտանց ուզում ենք շնորհավորել բոլոր շրջանավարտների տոնը եւ հայտարարել մրզույթ` կապված օրվա հետ:
Գրիր նյութ «Դպրոցական օրագիր» վերնագրով եւ ստացիր նվեր` քո իսկ ցանկացած ներկայացման երկու տոմս: Ունես ընդամենը մեկ շաբաթ` մինչեւ մայիսի 31-ը ներառյալ, պատրաստիր եւ ուղարկիր [email protected] հասցեին քո հեղինակած նյութը, հաջորդ օրվանից այն կտեսնես մեզ մոտ եւ ընդամենը մեկ շաբաթում կդառնաս մեր հայտարարած մրցույթի հաղթողը: Հաղթելու համար էլ անհրաժեշտ է գրավող տեքստ. շատ դիտված ստեղծագործության հեղինակն էլ կարժանանա «Առավոտ երիտասարդականի» պատրաստած նվերին:
