ՀԴԿ նախագահ Արամ Սարգսյանը հայտարարել է, թե իրենց կուսակցությունը հասարակական խորհրդարան է ձեւավորելու եւ փորձելու է դրա միջոցով տարբեր հարցեր բարձրացնել:
«ՉԻ»- Այ սա իսկապես փայլուն գաղափար է. եթե մասնակցում ես ընտրություններին, բայց չես հայտնվում խորհրդարանում, պետք է սեփական խորհրդարանը ստեղծել: Եվ ոչ միայն խորհրդարանը. կարելի է ստեղծել նաեւ հասարակական կառավարություն, դատարաններ եւ այլն: Ընդ որում՝ դա պիտի անեն բոլո՛ր կուսակցությունները: Բա հո հինգ տարի պարապ չե՞ն նստելու:
Ինչ վերաբերում է կոնկրետ Դեմկուսին, ապա այստեղ մի վտանգ կա. Արամ Գասպարիչը կարող է հասարակական խորհրդարանի ընտրություններում նույնպես 5 տոկոսանոց շեմը չհաղթահարել: Դրա համար էլ խորհուրդ կտայինք, որ այդ խորհրդարանը ոչ թե ընտրովի լինի, այլ նշանակովի, նշանակողն էլ լինի անձամբ Արամ Գասպարիչը: Այդ դեպքում «եսը կդառնա մենք»: Ափսոս՝ մեծ է հավանականությունը, որ հասարակական խորհրդարանն առաջին իսկ նիստում կպահանջի Գասպարիչի հրաժարականը:
«Չորրորդ ինքնիշխանություն»
