Ավարտվեց «Կենգուրու 2012» մաթեմատիկական դպրոցական մրցաշարի արդյունքների ամփոփումը: Մրցույթին մասնակցում էր Հայաստանի եւ Արցախի դպրոցներից շուրջ 35.672 դպրոցական:
«Կենգուրու 2012» դպրոցական մրցաշարն այս տարի ունեցել է 5 հաղթող, հաղթողների հնգյակը գլխավորում է Կարմիրգյուղի թիվ 1 միջնակարգ դպրոցի 3-րդ դասարանի աշակերտուհի Աննա Գասպարյանը: Հաղթողների հնգյակը եզրափակող մասնակիցը դարձյալ Գեղարքունիքի մարզից է, ով Մարտունու Մ. Շահումյանցի անվան թիվ 1 միջնակարգ դպրոցի 11-րդ դասարանի աշակերտուհի Էռնա Պետրոսյանն է:
Ըստ «Այբ» կրթական հիմնադրամի ծրագրի համակարգող Շողիկ Մկրտչյանի՝ մրցաշարին Գեղարքունիքի մարզի առավել ակտիվ մասնակցած դպրոցներից են Ձորագյուղի միջնակարգ դպրոցը, Ճամբարակի ավագ դպրոցը, Սեւանի Վ. Կարապետյանի անվան թիվ 3 դպրոցը, Ներքին Գետաշենի թիվ 1 դպրոցը:
«Այբ» կրթական հիմնադրամը Գավառում կլինի մայիսի 30-ին՝ պարգեւատրելու ոչ միայն հաղթող մասնակցին, այլեւ՝ մյուս հաղթողներին:
Կարդացեք նաև
Այս տարվա հաղթող մասնակից Աննա Գասպարյանը նախորդ տարվա «Կենգուրու 2011» հաղթող Արաքսյա Գասպարյանի քույրն է: Խելացի ու մաթեմատիկայի լավ գիտակ Աննան նաեւ երգում է, պարում, նկարում եւ ունի բազմաթիվ այլ հետաքրքրություններ:
Անի ՊՈՂՈՍՅԱՆ
