Մայիսի 16-ից «Առավոտի» կայքում իրականացվում էր հարցում «ՀՀԿ-ն ու ԲՀԿ-ն կկազմե՞ն կոալիցիա», որին մասնակցեցին 209 հոգի:
Քվեարկողների մեծամասնությունը՝ ինչպես նաեւ մեր քաղաքագետների եւ քաղաքական գործիչների գերակշիռ մասը, սխալ կանխատեսում էր արել՝ դրական պատասխանելով այս հարցին: Այդպես էին քվեարկել 65%-ը:
Ճիշտ կանխատեսում արեցին մեր հարցման մասնակիցների 17%-ը՝ 36 հոգի:
Եվս 30 հոգի՝ 14%, կարծում են, թե ՀՀԿ-ն ու ԲՀԿ-ն այնուամենայնիվ կհամագործակցեն՝ որոշակի պայմաններով :
Կարդացեք նաև
Մասնակցեք «Առավոտի» նոր հարցմանը, որ էլի կարճ ժամանակի համար կանխատեսելու ունակություն է ենթադրում՝ այն է, թե արդյոք ԲՀԿ-ին տեղեր կհատկացվե՞ն օրենսդիր ու գործադիր իշխանության մեջ:
Հիշեցնենք, որ նման նախադեպ կա՝ ՀՅԴ-ն կոալիցիայից դուրս գալուց հետո էլ գլխավորեց խորհրդարանական երկու հանձնաժողովներ, ու պահպանեց գործադիր իշխանության մեջ որոշ լծակներ՝ վարչության պետերի եւ այլ մակարդակներում:
