«Կոնկրետ քաղաքական ուժը ու Facebook-ում նրա շատ ակտիվ համակիրները թող պատասխանեն՝ իրենց առաջնորդն ամբողջ ընտրարշավի ընթացքում ինչո՞ւ էր սպասարկում «Բագավաճ Հայաստան» կուսակցության շահերը»,- այսօրվա ասուլիսում նման հարց տվեց քաղաքագետ Սուրեն Սուրենյանցը:
Ավելի ուշ մեզ հետ զրույցում նա մանրամասնեց. «Շատ սխալ քաղաքական վերլուծություններ արեց, չնայած իր բացառիկ տաղանդին: Նա գերագնահատել էր մեր իշխանական հակասությունների գործոնը ու փորձում էր՝ սատարելով իշխանության 2-րդ կուսակցությանը, ճաքեր առաջացնել իշխանության ներսում, որը, իր կարծիքով, Հայաստանում հավանաբար բերելու էր հետընտրական շատ ակտիվ զարգացումների: Տեր Պետրոսյանի քաղաքական հաշվարկը շատ հմտորեն կռահեց Սերժ Սարգսյանը ու գնաց բացարձակ մոնոլիտ իշխանություն ձեւավորելու ճանապարհով»: Քաղաքագետի կարծիքով, նախագահի թեկնածու, նախկին արտգործնախարար Վարդան Օսկանյանին առաջադրելը ԲՀԿ-ի կողմից հավանական է, բայց լավագույն տարբերակը չէ. «Նա կարող է նույնիսկ հետաքրքիր գաղափարներ դնի շրջանառության մեջ, բայց նրան երբեք ֆավորիտ չեմ համարում»:
Քաղաքագետի համոզմամբ, ինչպես Ռոբերտ Քոչարյանի, այնպես էլ Վ. Օսկանյանի թեկնածությունը, ԲՀԿ-ի վարկանիշը կտրուկ կիջեցնի:
Արփինե ՍԻՄՈՆՅԱՆ
Կարդացեք նաև
