«Դժվար թե որեւէ մեկնաբանություն լինի վերջնական` մինչեւ այսօր կայանալիք ՀՀԿ գործադիր մարմնի նիստը»,- Aravot. am-ի հետ զրույցում ասաց ՀՀԿ գործադիր մարմնի անդամ, ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը` արձագանքելով մեր խնդրանքին` մեկնաբանել ԲՀԿ-ի հայտարարությունը, որ նպատակահարմար չեն գտնում մասնակցել կոալիցիոն կառավարության ձեւավորմանը:
Պարոն Մինասյանն ավելին ասել հրաժարվեց, քանի որ հայտարարությունն անձամբ չէր ընթերցել եւ ծանոթ չէր դրանում առկա շեշտադրումներին:
Հիշեցնենք, որ ԲՀԿ ղեկավար Գագիկ Ծառուկյանի հայտարարության մեջ, մասնավորաբար ասված է. «Ընտրությունների արդյունքներով` ԲՀԿ-ն չունի կառավարություն ձևավորելու և իր ծրագրերը իրականացնելու սահմանադրական հնարավորություն: Ելնելով վերը նշյալից` ես պաշտոնապես հայտարարում եմ, որ «Բարգավաճ Հայաստան» կուսակցությունը նպատակահարմար չի գտնում մասնակցել կոալիցիոն կառավարության ձևավորմանը»:
Aravot. am-ին չհաջողվեց ՀՀԿ գործադիր մարմնի մյուս անդամների հետ կապվել: Նրանք նախ չէին պատասխանում հեռախոսազանգերին, ապա` անջատեցին հեռախոսները:
Կարդացեք նաև
Նելլի ԳՐԻԳՈՐՅԱՆ
