Երեկ գիշեր Կապանից դեպի ազատագրված տարածքներ ձկնորսության մեկնած Կապանի բնակիչ Շահեն Վարդանյանը «Ռաֆ» մակնիշի 03 LU 940 ավտոմեքենայով հորդացած գետի հեղեղումների հետեւանքով ճանապարհին ջրային շրջափակման մեջ է հայտնվել:
Դեպքի մասին մայիսի 23-ին, ժամը 02:14 -ին ահազանգ է ստացվել Սյունիքի մարզային փրկարար ծառայություն, որ Սյունիքի գյուղական համայնքից դեպի ազատագրված տարածքներ 4 կմ հատվածում գտնվող կամրջին ջրային շրջափակման մեջ է մնացել: Դեպքի վայր է ժամանել մեկ մարտական հաշվարկ եւ գիշերվա ժամը 03:00-ին մեքենայում մնացած վարորդին դուրս բերել այդտեղից: Մեքենայի մեջ միայն վարորդն է եղել, ում հաջողվել է անվնաս հանել: Իսկ մեքենան երեկ գիշերը թողել են ճանապարհին` հետագայում ջրի հոսքը նվազելու դեպքում այնտեղից դուրս բերելու ակնկալիքով:
Մերի ՍՈՂՈՄՈՆՅԱՆ
