Վրաստանի եւ Ադրբեջանի սահմանին գտնվող Դավիթ Գարեջիի վանական համալիր այցելող ուխտավորներին եւ զբոսաշրջիկներին հաջողվել է մտնել համալիրի տարածք` շնորհիվ երկու պետությունների միջեւ ձեռք բերված պայմանավորվածության:
Պայմանավորվածությունը ձեռք է բերվել ՆԱՏՕ-ի Չիկագոյի գագաթնաժողովի շրջանակներում երկու երկրների նախագահների հանդիպման արդյունքում:
Այս ամսվա սկզբին Ադրբեջանի կառավարությունը խոչընդոտել էրուխտավորների եւ զբոսաշրջիկների մուտքը վանական համալիր` հայտարարելով, որ համալիրը գտնվում է ադրբեջանական տարածքում:
Դավիթ Գարեջիի վանական համալիրի շրջանում Վրաստանի եւ Ադրբեջանի սահմանը վերջնականապես հստակեցված չէ, կան վիճարկելի հատվածներ:
Համալիրը ներառում է ավելի քան 20 եկեղեցի եւ մեծ թվով քարանձավներ:
«Ազատություն» ռադիոկայան
